Preséntase un cartelu desconocíu de Moré

Esti vienres 27 va presentase'l cartel de promoción turística d'Asturies pintáu por Mariano Moré en 1929.

Na Sala 2 del Centru de Cultura Antiguu Institutu a les 12:30 hores  va presentase'l cartelu de promoción turística d'Asturies que se fixo pa la Esposición Iberoamericana que se celebró en Sevilla en 1929. Ye obra del pintor xixones  Mariano Moré (1899 – 1974) y entitúlase  “Asturias os espera”. Tratase d'un cartelu del que nun se conocía nengún exemplar y qu'acaba d'adquilu'l Muséu del Pueblu d’Asturies pa incorporalu a la so colección.

La presentación va correr al cargu de Francisco Crabiffosse Cuesta, autor de los llibros 'El color de la industria. La litografía n'Asturies 1834 – 1937' y 'El cartelu n'Asturies', y Juaco López Álvarez, director del Muséu del Pueblu d’Asturies.