Perbona valoración de los servicios d'información turística

Acordies colos datos del estudiu de valoración d’Infogijón en 2016, el tratu ufiertáu polos informadores ye perbonu, realizáu con rapidez y precisión y con calidá de la información apurrida.

Gúei diose a conocer l’informe de valoración de los servicios ufiertaos por Infogijón -serviciu d’información turística del Conceyu de Gijón/Xixón- a lo llargo del añu caberu. Amás, l’estudiu tamién ta empobináu a conocer el perfil del usuariu, la so satisfaición y les deficiencies posibles d’información. Pa realizar l’estudiu fixéronse 850 encuestes ente’l 1 de xineru y el 31 d’avientu.

Les conclusiones cimeres del estudiu son:

• La mayor parte de los usuarios aporten de Madrid, Castiella y Llión y Euskadi. Y los de fuera del estáu español vienen de L’Arxentina, Reinu Xuníu y Francia.
• La estancia media na ciudá de los turistes que visiten Infogijón ye de 5,3 díes.
• Ocho de cada diez usuarios aporten al serviciu por primer vegada.
• El serviciu más solicitáu, penriba del 90% de les rempuestes, ye la pidida d’información, siguíu de l’adquisición de material turístico, con un 30% de les rempuestes.
• El tratu recibíu pol personal algama un 9,7 sobre 10 y la calidá de la información ofrez una nota media del 9,8.
• L’horariu d’atención valórase con un 9,3, la puntuación más alta de los años caberos.
• L’accesibilidá de la oficina de turismu valórase con un 8,9, ameyorando respeuto a otros años y aumentando el númberu d’usuarios que se manifiesta “Mui Satisfechu”.
• La señalización de la oficina algama el 8,3, una décima penriba de la valoración del añu pasáu.