Octava edición de DOCUXIXÓN
|
1 Xunu, 2017 por Redacción
Va celebrase esti ciclu documentales dende'l xueves 1 al sábadu 3 nel Antiguu Institutu a les 18.00 hores.
L'amuesa de documentales DOCUXIXÓN va entamar esti xueves coles proyeiciones Hai una lluz n'Asturies... (2002 | 58 min.), de Joaquín Bosch; Escombru (2016 | 52 min.), de Jaime Santos y Pedaló (@2016 | @72 min.), de Juan Palacios.
La proyeición va aniciar con Hai una lluz n'Asturies... Esta producción de la Fundación Juan Muñiz Zapico y de la Productora RTV Asturias rellata les fuelgues habíes n'España na primavera de 1962, empecipiaes con un paru nel pozu Nicolasa.
La estroza medioambiental, moral y patrimonial causáu pola especulación carbonera y enerxética al oeste del Cordal Cantábricu da llugar a un panorama tan grotescu que solo quepe nuna parodia. Esta ye la temática del documental de Jaime Santos, Escombru.
En Pedaló, un cineasta principiante sigue los pasos de trés amigos nun surrealista viaxe náuticu. A bordu d'un pedaló de segunda mano, propónense salear 150 kilómetros partiendo de la mariña vasca.
Entama: FMCE y UP. Centru d'Imaxe en collaboración cola RTPA.
