Los datos del Foro de Cultura Vaqueira analícense nel Muséu del Pueblu d'Asturies

Básense na encuesta anónima de calter etnográficu fecha nel alcuentru de mayu.

El primer Foro de Cultura Vaqueira celebróse na escuela de la braña d'El Pebidal, nel conceyu de Salas, nel que participaron más de 100 persones. Ente los sos oxetivos figuraba'l plantegamientu de delles cuestiones, entes les que destacaba 'qué ye ser vaqueiru'.

Un total de 97 participantes rexistráronse con nome, direición postal y teléfonu, y 70 respondieron a la encuesta propuesta, qu'esta tarde van analizar José Feito, coordinador del Consejo de Cultura Vaqueira; Xosé Alba, profesor de la Universidá d'Uviéu; y los antropólogos Roberto González-Quevedo y Adolfo García Martínez. Va ser a partir de les 18 hores nel Muséu del Pueblu d'Asturies, con entrada llibre.