López-Asenjo abandona’l grupu municipal popular

Les discrepancies dientro del Partido Popular (PP) lleven a Alberto López-Asenjo, candidatu a l’alcaldía en mayu del 2019, a abandonar el grupu municipal. Álvaro Queipo, secretariu xeneral del PP d’Asturies, calificólu como “tránsfuga” y pidió-y qu’abandone l’acta.

La decisión de nomar a Ángela Pumariega como vocera del grupu municipal popular provocó la salida definitva de López-Asenjo y de siguir la llexislatura como edil non adscritu. Una midida que nun prestó nel partíu, que nun dulda en calificalu como “tránsfuga”.

La direición del PP decidió esti cambiu depués de una Xunta Llocal tensa con acusaciones por parte de militantes, en desalcuerdu col candidatu popular. Tamién quedaron amosaes esi día les sos discrepancies col presidente del partíu en Xixón, Pablo González, hasta’l puntu de que López-Asenjo anunció aiciones xudiciales contra él pa defender la so credibilidá.