Les biblioteques municipales van recuperando l'actividá

Namái sigue pesllada pa la devolución de títulos la de L'Arena por cuenta d'unes obres.

Si'l llunes pasáu abrieron les sos puertes les biblioteques de La Calzada, Pumarín-Xixón Sur, El Coto y El Llano, güei fixéronlo les d'El Natahoyo, El Polígono, Roces, Contrueces, Vega-La Camocha y Montiana. D'esta forma yá ta activa la totalidá de la Rede Municipal de Biblioteques tres tar trancaes pola crisis sanitaria pola pandemia de COVID-19, anque entovía tienen restricciones.

Asina, l'horariu d'actividá va ser de momentu de 9 a 14 hores pa la devolución de títulos y otros materiales. Éstos van tar en cuarentena per 14 díes enantes de volver a emprestámu, serviciu que va volver el llunes que vien, siempre baxo pidimientu previu.

Na semeya, caxa onde dexar documentos pa devolver na Biblioteca Municipal de Vega-La Camocha.