L'ataque informáticu obliga a aplazar el Plenu

Los servicios municipales siguen paralizaos.

El Conceyu de Xixón sufrió ayeri un ataque informáticu del que se desconoz orixe y motivu, anque podría ser un secuestru de datos pa solicitar un rescate económicu, práutica que yá sufrieron dellos ayuntamientos nel Estáu. Dende que se conoció, namái funcional la web municipal, el centru de control de la Policía Llocal y la rede semafórica, tando tolos ordenadores apagaos a la espera de que se solucione la situación.

La Sede Electrónica, el xestor d'espedientes, los caxeros ciudadanos, les aplicaciones municipales y el sistema de pagos caltiénense a esta hora, poro, inutilizaos, y los ciudadanos nun puede facer trámites, nin en llinia nin presenciales. La situación llevó tamién a la xunta de voceros a aplazar una selmana el Plenu d'abril, previstu nun primer momentu pa mañana.

Na imaxe, un momentu del Plenu de marzu.