La Policía Llocal va multar a los ciclistes que circulen pela cera

Tamién van recibir sanciones los conductores de patinetes que nun cumplan la normativa.

La Policía Llocal va entamar el llunes una campaña pa torgar la circulación de bicicletes y patinetes peles ceres de la villa. Nos siete primeros díes ésta va ser informativa dafechu, cola previsión d'entamar coles multes el llunes viniente, el 27.

Estos vehículos deben facer usu de la calzada o aquelles zones habilitaes cuando les hubiere, como los carriles-bici y los 29 ciclocarriles, compartíos colos coches y llendaos a 30 quilómetros per hora, que s'habilitaron recién nel conceyu. Nesi sen, la Conceyalía de Mediu Ambiente y Movilidá entamó la campaña 'Muévite pel ciclocarril' p'ameyorar la seguridá vial.