La llinia 18 d’autobús sufre modificaciones ente protestes de los vecinos de Nuevo Xixón

El llunes 2 de marzu van entrar en vigor les modificaciones na llinia 18 d’EMTUSA, que xune l’Hospital de Cabueñes y el Nuevo Xixón. Va allargase hasta El Poblao de Santa Bárbara, lo que lleva a cambios en paraes de Nuevo Xixón que provocó protestes vecinales.

La cabecera nueva de la llinia va tar na cai Concha Espina, entrando nel barriu per Orán y percorriéndolu peles cais Lanuza y Monsacro. En direición al hospital, l’autobús va dir per Andrés Suárez García, Penamea, Picu Urriellu, Dolores Ibárruri, Sierra del Sueve, Penubina y Torre Santa d’Enol.

Estos cambios provoquen la supresión de dos paraes, en Sierra de L’Aramo y La Torre Cerréu, que s’unifiquen nuna en Monsacro. L’Asociación de Vecinos Santiago movilizóse ayeri contra esti cambiu entamáu pola Empresa Municipal de Tresportes Urbanos de Xixón, S. A. (EMTUSA) por perxudicar a los residentes en Perchera y La Braña, cortando’l pasu del autobús alredor de les 20.15 hores en Penubina sobre un cuertu d’hora, y anuncia más protestes.