La guía de programes educativos de Xixón ufierta delles actividaes n'asturianu

La Oficina de Normalización Llingüística de Xixón  pon a disposición de los centros educativos una serie de talleres y actividaes col asturianu como llingua vehicular.

Los talleres concretos que van impartise, y les condiciones específiques nes que tienen de desenvolvese tán indicaes na Guía de programes educativos a partir de la páxina 56 y tán empobinaes a alumnáu dende Educación Infantil a Bachilleratu.

Les actividaes son de baldre, cuenten con monitores, material didáuticu y tresporte cuando ye preciso y son les que vienen darréu:

De la panoya al platu: Cenciellu taller de cocina amás de llevar alantre una esfoyaza y distintos xuegos infantiles, cantares y bailles tradicionales asturianos venceyaos al tema. (3^er cursu d’Educación Infantil)

Cantar presta muncho: Proyeutu p'averar a los escolinos y escolines del nuestru conceyu a la música coral d’una manera cenciella, abierta, activa y participativa que cumple yá seis ediciones. (Educación Primaria)

Qué cuentu tienes: Esposiciones didáutiques itinerantes. Delles esposiciones de cuentos infantiles en llingua asturiana. Educación Primaria)

Danciando tol añu: Aniciu nel conocimientu y práutica de los bailles y dances tradicionales n’Asturies, conociendo los pasos másbásicos y les estructures más simples, trabayando sobre too los bailles-xuegu y distintes manifestaciones coleutives, como les dances. (1^u y 2^u d'Educación Primaria)

Xixón, una ciudá abierta a la mar: Esta actividá consiste nuna salida pedagóxica que fai un percorríu per La Rula, Cimavilla, el Campu Valdés y el Muru que, mecíu con pruebes y xuegos a mou de yinkana, va averar a los escolinos y escolines a puntos fundamentales de la historia de Xixón y a la so relación cola mar. (4^u d'Educación Primaria)

Xixónpolis: el xuegu pa mercar Xixón: Una actividá pa que los escolinos y escolines conozan, al traviés d’un xuegu, los barrios y distritos de la ciudá de Xixón. (5^u d'Educación Primaria)

El cómic n’asturianu : Nesta actividá'l dibuxante Ruma Barbero va fala-yos a los los escolinos y escolines de cómics asoleyaos n’asturianu, de dibuxantes renomaos y pa rematar va desplica-yos sobre cómo ye’l procesu de facer un cómic. (6^u d'Educación Primaria)

Sol nos pomares: les migraciones güei y ayeri: Al traviés de la obra lliteraria “Sol nos pomares” va trabayase col alumnáu'l contestu históricu de les migraciones de los sieglos XIX y XX, rellacionándoles coles d’anguaño. (1^u y 2^u ESO)

XV ¡Saca la Llingua! Alcuentros de la mocedá cola llingua: Coles actividaes del proyeutu “Saca la llingua”, basáu na participación delalumnáu y na tresversalidá de conteníos, preténdese que los mozos y moces participantes -matriculaos en llingua asturiana nos sos Centros- s’averen al asturianu dende un puntu de vista que nun seya’l puramente académicu. (Alumnáu d'ESO matriculáu n'asturianu)