La Feria del Libro de Xixón axunta a 48 editoriales y llibreríes en Begoña

Dende’l xueves al domingu Begoña va convertise nun espaciu dedicáu a la lliteratura. Presentaciones, charres y robles de llibros conformen el programa de la Feria del Libro de Xixón (FeLiX), al que se suma la instalaciones de 48 puestos de venta por parte de editoriales y llibreríes, amás d'otros espacios.

En concreto participen 24 editoriales, con importante presencia del llibru n’asturianu gracies a Saltadera, Trabe, Pintar-pintar, Trea, Picu Urriellu, Hoja de Lata o Impronta, ente otres. Amás hai que sumar otres tantes llibreríes y los espacios de la Universidá d'Uviéu, la Fundación Alvargonzález y la Rede Municipal de Biblioteques de Xixón.

L’horariu de la FeLiX ye 11 a 14 y de 17 a 21.30 hores, a esceición del domingu, que va va pesllar a les 20 hores. En total van desendolcase 70 actividaes que se pueden consultar nel programa axuntu a esta noticia.