La Feria del Libro de Xixón amplía espacios pa garantizar la seguridá

Los puestos instálense en Tomás y Valiente, amás de na sede habitual de Begoña.

Dende'l xueves y hasta'l domingu ta celebrándose la Feria del Libro de Xixón, aplazada en xunu por mor de la situación sanitaria pola COVID-19. 23 llbreríes de la ciudá y 20 editoriales, la Fundación Alvargonzález, la Universidá d'Uviéu y la Rede Municipal de Biblioteques participen con puestu nesti certame lliterariu.

Ente elles hai delles con llibros n'asturianu, como Trabe, Impronta, Pintar-Pintar, Hoja de Lata, La Cruz de Grado o Picu Urriellu, amás d'haber exemplares nes llibreríes. La propuesta amplíase con delles presentaciones y actividaes nes dos carpes instalaes en Begoña o nel patiu del Antiguu Institutu.

L'horariu de la Feria del Libro de Xixón ye de 11 a 14 y de 17 a 21.30 hores, de xueves a sábadu; y de 11 a 14 y de 17 a 20 hores, el domingu.