La Escuela de Comerciu acueye l’alcuentru serondiegu de muyeres de Soldepaz Pachakuti

‘Come. Visti. Bailla’ ye’l títulu del Conservatoriu de Muyeres pal Tresformamientu del Mundu que se va celebrar el 20 y 21 d’ochobre nel salón d'actos de la Escuela de Comerciu, con siguimientu en direuto en llinia. Trátase del alcuentru que vien entamando en seronda la ONG Soldepaz Pachakuti dende hai 22 años.

Los temes escoyíos esta ocasión xiren alredor de les exes d’alimentación, energía y textil, cola intención d’amosar la necesidá de tresformar el sistema de producción y consumu vixente por otros más sostenibles, xustos y equitativos. Pa ello va contase con testimonios y esperiencies de muyeres de Chile, Brasil,México, Galicia, Andalucía y Asturies.

A les 17 hores va inaugurase l’alcuentru, pa dar pasu darréu al primer conservatoriu ‘Explotación y la industria textil: los casos de Galiza, Asturies y México’, con Nanda Couñago, representante de Amarante SETEM; y la mexicana Elena Espinosa Morales, del Secretariado Especialista del Observatorio de Derechos Humanos de los Pueblos, cola moderación de la testilera asturiana Libertad García Calleja, de la Corriente Sindical d’Izquierda (CSI). Mañana, a les 17 hores, va tener llugar la segunda xornada cola mesa redonda ‘Queremos derechos, queremos soberanía: el caso de la alimentación y la energía’, presentada por Claribel Bonilla, del Programa Refugiados-as Colombianas en Asturias Luciano Romero, y con Janaina Stronzake, de MST Brasil; Francisca Rodríguez y Gabriela Curinao, d’Anamuri Chile; y Natalia Garcia Caballos, activista de l’Asociación Pro Derechos Humanos de Andalucía (APDHA)-No más cortes Granada, como convidaes.

Toles actividaes van emitise en direuto en llinia. Nel casu de querer asistir a la Escuela de Comercio ye necesario escribir al corréu electrónicu soldepaz.pachakuti@nodo50.org.