IX solicita una placa n'alcordanza de les victimes de bombardeos sobre civiles na ciudá

Produxéronse nos años 1936 y 1937.

L'historiador Héctor Blanco, miembru del Atenéu Obreru de La Calzada, encargóse de presentar esta solicitú que va llevar Izquierda Xunida (IX) al Plenu municipal próximu. La intencion ye la colocación na ciudá d'una placa conmemorativa de “toles víctimes de bombardeos civiles sobre Xixón” y impulsar l'estudiu de los refuxos antiaéreos de Cimavilla y Begoña, paralizáu nel 2011.

El conceyal Aurelio Martín criticó'l que'l Conceyu de Xixón dixera al Atenéu "que nun tien perres pa poner una placa" tres la solicitú fecha por esta entidá a primeros d'añu, lo que considera "una muestra de la sensibilidá nula que tienen pa cola Memoria Democrática y Social”. "Queremos que sía un reconocimientu d'una institución a los que llucharon pola democracia”, en referencia a esta solicitú al equipu de gobiernu.