Inauguración de la Biblioteca d'Iniciativa pol Asturianu

Va tener como sede'l Conseyu de Mocedá de Xixón y va tar abierta a tola ciudadanía.

L’actu d'inauguración de la biblioteca va ser esta tarde a les 19 hores y va consistir nuna llectura de poemes abierta al públicu, cola participación d'autores como Diego Solís, y un pinchéu.

“Faimos muncha ilusión poder ufrir a la sociedá esta biblioteca que ye un vieyu proyectu d’Iniciativa pol Asturianu pa da-y visibilidá a la creación lliteraria n’asturianu. Facémoslo gracies a les donaciones de socios, editoriales y otres entidaes que mos fueron donando llibros a lo llargu de los cinco años d’actividá de la organización”, esplica'l so presidente Inaciu Galán. D'esta forma, la organización celebra'l Día del Llibru (23 d'abril).

Dende Iniciativa pol Asturianu conviden a la xente a acudir y a realizar donaciones tanto de llibros como de discos o DVDs en llingua asturiana pa construyir ente toos esta ferramienta de difusión de la creación nel nuesu idioma.