García Cortina finó nel sétimu puestu nel Mundial sub-23 de Doḥa

Nun pudo ser. Iván García Cortina viose enzarráu nel entamu del  sprint col que finó la prueba de ciclismu en ruta del Mundial sub-23 que se celebró esti xueves en Doḥa y nun pudo competir pol podiu de la carrera. Finalmente finó sétimu nuna competición que llevó’l noruegu Kristoffer Halvorsen.

El ciclista xixonés fixo un gran esfuerciu na carrera pa llegar nel grupu cabeceru al quilómetru caberu tres quedar dalgo retrasáu nel tramu final y cumplió colos pronósticos que lu colocaben como ún de los favoritos a la victoria nel Mundial. Sicasí, García Cortina, ensin nengún compañeru cerca, viose enzarráu nel sprint y nun foi quien a alcanzar a los trés ciclistes que se disputaron la carrera y qu’entraron en meta nun puñu.

D’ellos el más rápido foi Halvorsen, que superó por mui poco al alemán Pascal Ackermann, completando’l podiu l’italianu Jakub Mareczko. Finalmente, l'asturianu consiguiría un meritoriu sétimu puestu en 'La Perla de Qatar'.