Felpeyu va presentar el so nuevu discu 'Cerquina' nel Arcu Atlánticu

Va ser nun conciertu especial pol ventenu quintu aniversariu de Felpeyu que va servir tamién d'apertura del Festival Arcu Atlánticu. El certame d'esti añu va contar con actuaciones diaries, hasta'l sábadu, nel escenariu de la Plaza Mayor.

Los temes de 'Cerquina' y un repás a los sos más emblemáticos, con especial enfotu nos cantaos, van protagonizar el conciertu de Felpeyu pol so cuartu de sieglu sobre los escenarios. Pa la interpretación de les pieces van contar nesta cita especial col sofitu de vieyos componentes de la banda, como Cástor y Félix Castro, Xel Pereda, Isidro Suárez y Xuan Nel Expósito, amás de les collaboraciones de Rubén Bada, Ramón González, Ángel Ruiz, la Banda Gaites LaKadarma y Andrea Joglar como solista de gaita.

El conciertu va empezar a les 22 hores y la xente interesao va poder mercar nel llugar ‘Cerquina’ nun puntu de venta que va instalar nel llugar Felpeyu, que darréu va comenzar cola so distribución en tiendes. Otra manera, el restu d'actuaciones musicales na Plaza Mayor del Festival Arcu Atlánticu son les siguientes:

• Miércoles 26 (22 hores): Corquiéu.
• Miércoles 26 (23 hores): 'Synexthesia', de la Banda Gaites Xácara.
• Xueves 27 (22 hores): Dixebra.
• Vienres 28 (22 hores): Bras Rodrigo.
• Sábadu 29 (22 hores): Herbamora.
• Sábadu 29 (23 hores): Xabi Díaz y Adufeiras de Salitre.

Na semeya: Felpeyu participando na edición de 2017 del Festival n'alcordanda d'Igor y Carlos.