Esposición sobre cartel deportivu nel Antiguu Institutu
|
16 Payares, 2016 por Redacción
Del 17 de payares al 5 de febreru va poder vese nel Antiguu Institutu una esposición sobre los carteles deportivos, d'ente los años 1940 a 2000, que tan na colección del Muséu del Pueblu D'Asturies.
Nesta esposición amuésense 80 cartelos y otros materiales rellacionaos con ellos (bocetos, banderinos), que pertenecen a la colección del Muséu del Pueblu d'Asturies, y que nel so mayor parte fueron donaos al muséu por particulares. Son una amuesa representativa del cartelu deportivu d'esi periodu.
Los más antiguos y numberosos son los de fútbol, ciclismu, bolos, boxéu, hípica o piragüismu, que son los deportes más populares y que concentren mayor númberu d'espectadores. Según avanza la centuria van apaecer cartelos d'otros deportes (golf, balonvolea, tenis, surf, rugby). El deporte, les fiestes y la prevención de riegos llaborales, según la política a partir de 1975, fueron les actividaes que más utilizaron el cartelu ente 1940 y 2000.
