Esbarrumbu espectacular na cai Lluanco ensin daños personales

La detección d'una fendedura nun aleru d'un edificiu permitió agordonar la zona.

Na alborada d'ayeri esbarrumbaba la cornisa del númberu 16 de la cai Lluanco. La Policía yá tenía cortada la vía, yá que la cayida del mesmu podría ser cuestión de tiempu.

Los vecinos avisaren a les autoridaes el domingu, que revisaron la zona afeutada y vieron dificultaes pa la so igua. Los primeros restos dañaron dellos coches, pero al ser de madrugada nun hebo accidentaos.

Finalmente, ayeri pasaes les 7.30 hores producíase l'espectacular esbarrumbu que dañaba la vivienda baxo l'aleru, ensin ocupantes al ser propiedá de persones que nun residen habitualmente na ciudá. Darréu los bomberos acudíen al llugar a saniar la fachada.