El Villa de Xixón trai bandes de gaites de delles naciones celtes

El festival, que tuvo a piques de nun celebrase, va vivir la so decimoctava edición.

Solucionaos los problemes que permitieron rebaxar los costos d'agospiu de llos músicos participantes, que finalmente van dormir nel Colexu Públicu Xovellanos, depués d'una baxada del compromisu económicu inicial del Conceyu de Xixón, la Banda de Gaites Villa de Xixón va entamar un añu más el so festival. Ésti va celebrase dende mañana al martes, cola novedá de la representación del espectáculu 'Spirum' el domingu a les 21.30 hores na Plaza Mayor, siendo la gala del certame'l martes a les 21.45 hores.

Nesta ocasión van participar les siguiente formaciones: Banda de Gaitas Carballo da Manteiga de Lalín y Banda de Gaitas Fornelos de Montes, de Galicia; Cambridgeshire Caledonian Pipe Band, d'Alba; Dominic Graham School of Irish Dance, d'Éire; Bagad Saint-Malo, de Breiz; Banda Gaites El Centru, de la Comunidad de Madrid; y la propia Banda Gaites Villa de Xixón. El XVIII Festival Internacional de Bandes de Gaites Villa de Xixón va comenzar mañana con una Folixa Intercéltica nel Cerru dende les 18 hores.