El Tsunami Xixón confirma'l so aplazamientu al 2021

La Llaboral va acoyer conciertos d'aforu reducíu nes mesmes feches del certame.

La última fin de selmana de xunetu, mesma fecha na que taba previstu esti añu, va celebrase la cuarta edición del Tsunami Xixón, qu'espera caltener la totalidá del cartelu. En concreto, va tener llugar los díes 29, 30 y 31.

Les restricciones de la 'normalidá nueva' pola pandemia de COVID-19 impiden el desendolcu de grandes festivales como'l xixonés, qu'esperó hasta ayeri pa confirmar una decisión que yá dexaba entever el 30 d'abril. Les entraes pa esti añu van valir pal qu'entra, mentes que les persones que quieran recuperar el so dineru van poder facelo

Tsunami Non-stop

Esta suspensión, sicasí, nun significa que los siguidores del certame nun puedan disfrutar de la música punk, rock y hardcore, xéneros mayoritarios nel festival, esti añu na Llaboral. El recintu va acoyer el Tsunami Non-stop, "una versión 'mini” del Tsunami" con "aforu reducíu y con toles midíes de seguranza posibles" que la organización va anunciar nos díes próximos.

Cartelu de la edición d'esti añu.