El Telecable repite col Bigues i Riells na Copa

Les xixoneses defenden el títulu n'A Coruña.

L'añu pasáu el Telecable Hockey Club abría la so andadura na Copa ganando al Club Hoquei Patins Bigues i Riells por 5-2 y los caprichos del destín quieren que na edición d'esti añu les de Fernando Sierra repitan col club catalán en cuartos de final. El sortéu celebráu esta mañana na ciudá gallega crució a dambos conxuntos per segundu añu siguíu, esperando en semifinales el vencedor de la eliminatoria ente Manlleu Magic Studio y Voltregà Stern-Motor.

Estos dos partíos van celebrase'l xueves 19 de marzu. Nel otru llau del cuadru, los enfrentamientos son Cerdanyola-Vila-Sana y Generali Palau-Alcorcón, y van tener llugar al día siguiente, tando programaes les semifinales el sábadu y la final el domingu.

Al igual que l'añu pasáu en Reus, la Copa feminina de ḥoquei sobre patinos va coincidir en feches y sitiu cola masculina. La sede de tolos partíos va ser el Pazo dos Deportes de Riazor.