El Sporting B nun pudo col Olot

El filial roxiblancu  nun pudo voltiar el resultáu del partíu d'ida y el fútbol asturianu queda colos xixoneses como únicos aspirantes a algamar el saltu a la Segunda División B. 

Nun fixo mal partíu'l Sporting B énte un Olot con munchu oficiu que, ensin llevar el control del xuegu, sí creó ocasiones de gol. El tantu tempraneru de Claudio foi insuficiente, yá que nel minutu 77 un despiste defensivu permitió a Marc Mas rematar a placer un centru dende la derecha.

Esti gol ponía'l global en 2-1 pa los catalanes, que retornen asina a la categoría de bronce del fútbol estatal. Mentes, el Sporting B entra esta tarde nel sortéu de Las Rozas, onde va enfrentase a un cuartu o terceru, cola vuelta siempre en Mareo.

L'Avilés, l'UP Langreo y el CD Tuilla quedaron yá eliminaos al nun pasar esta ronda.