El soníu de les gaites toma la ciudá

Ta celebrándose'l XXI Festival Internacional de Bandes de Gaites Villa de Xixón.

Esti martes arrancó cola actuación de la Banda de Gaites Magüeta de Xixón, formada por neñes y neños, la edición d'esti certame entamáu pola Banda de Gaites Villa de Xixón. Un certame qu'esti añu va contar con agrupaciones y artistes procedentes de Cantabria, El Bierzu, Galicia, Alba, Portugal y Asturies.

L'Auditoriu de L'Atalaya va contar con un escenariu que va acoyer les actuaciones principales, como la gala del vienres a les 20.30 hores cola presencia de toles bandes desplazaes a Xixón. Xunto a Magüeta y los mayores del Villa de Xixón van participar la Banda de Gaitas São Tiago de Cardielos (Portugal), la Banda de Gaitas Nova Fronteira (Galicia) y la Banda Gaites El Gumial.

Estos trés díes tamién tán programaes actuaciones son la plaza'l Marqués, Cimavilla, Xardinos de la Reina, El Fomento, Campu Valdés o la Vieya Rula. Ente elles rescampla la del del escocés Calum Stewart y el so grupu de música tradicional escocesa y irlandesa en formatu cuartetu, la de la bandina Los Bierzones, la de Los Gascones o la d'Algaire.

Na semeya, la Banda de Gaites Magüeta de Xixón na so actuación d'ayeri.