El serviciu de bicicletes públiques va renovase
|
20 Setiembre, 2021 por Redacción
- Log in to post comments
El númberu d'estaciones va ampliase a 47 pa llegar a tola villa y favorecer el so usu.
La Empresa Municipal de Tresportes Urbanos, SA (EMTUSA) va encargase de la xestión d'esti serviciu nuevu de bicicletes municipales, que se va promocionar baxo'l nome de 'Gijón Bicicleteru'. Próximamente va licitalu cola intención de que pueda entrar en serviciu pa primavera.
Les bicicletes van ser llétriques y el so númberu va ampliase de les 68 actuales a 250. Amás van instalase munches más estaciones, hasta un total de 47, pa llegar a una mayor cantidá de xente.
La intención ye que munchos xixoneses empleguen esta rede nueva pa desplazamientos diarios, como pue ser acudir al puestu de trabayu, con llugares pa posar la bicicleta cercanes al so llugar de destín. Preténdese qu'ente elles haya una distancia non superior a los 250 metros.
