El Plenu aprobó la concesión de les medayes d'oru y plata de la villa

Los Honores y Distinciones de la Villa d’esti añu yá tán oficializaes. Representantes del Centru d’Educación de Persones Adultes (CEPA), Quiquilimón y la Fundación ALPE Acondroplasia, amás de Felisa Soria, asistieron al Plenu que les aprobó y yá esperen al actu nel Xovellanos.

Julia Magdalena, direutora del CEPA, va recoyer nesa ceremonia, que se celebra depués de dos años de restricciones, la medaya d’oru de la villa, el más altu distintivu. D’esta forma los grupos municipales valoren l’importante trabayu desendolcáu dende esti centru nes cuatro décades últimes na formación de persones que tuvieron dificultaes na so escolarización.

Les medayes de plata son pa Quiquilimón, compañía de teatru que formó parte de les neñes y neños xixoneses nos 42 años últimos y qu’agora se retira; la Fundación ALPE Acondroplasia, creada nel 2000 pa resolver les necesidaes educatives, dar atención temprana, siguimientu escolar, integración social, cultural y llaboral de las personas con acondroplasia y otres formas comunes d’enanismu; y la trabayadora municipal Felisa Soria y el so llabor pola igualdá dende’l Conceyu. Un importante númberu de familiares y integrantes d’estos coleutivos acudieron el vienres al Ayuntamientu pa sofitar a los gallardonaos nesti día tan especial que va tener el so colofón nel Teatru Xovellanos pa San Pedro, día nel que se festexa al patrón de la ciudá.

Na semeya, Chus Casado (Quiquilimón), Magdalena, Carmen Alonso (Fundación ALPE Acondroplasia) y Soria.