'El pallabreru del rugbi' protagoniza un alcuentru

Va celebrase na Escuela de Comerciu y va servir de presentación pública del trabayu de Matilla.

El rugbi va recuperar protagonismu esta tarde en Xixón. L'autor de 'El pallabreru del rugbi', xunto col presidente de la Federación de Rugbi del Principáu d'Asturies, Alberto Pérez Iglesias, van falar d'esti deporte y del cartafueyu asoleyáu pola Oficina de Normalización Llingüística, que va tar representada pol Alba A. Estrada.

La so historia y la llegada a Asturies y a la villa, les normes, la equipación o'l campu, y tolos términos venceyaos al mesmo, tán recoyíos en 'El pallabreru del rugbi', un llabor de José Ramón Matilla "col qu'ayudamos a normalizar la llingua asturiana y a la difusión del rugbi", espresó na so presentación a los medios. L'alcuentru va tener llugar a les 19 hores nel salón d'actos de la Escuela de Comerciu.