El Pabellón del Conceyu de Xixón na FIDMA recibió 60.822 visites

Esta ye una cantidá asemeyada a la del añu pasáu.

Nos 16 díes que tuvo abiertu al públicu, el pabellón de Xixón na Feria de Muestres d’Asturies recibió esta edición 60.822 visitantes, una cantidá asemeyada a l’algamada en 2016 (62.099) y mui superior a la de 2015, cuando se rexistraron 45.101 visites.

La media de tráficu nel estand afítase asina en 3.801 visitantes al día. Destaca l’aporte de visitantes el xueves 10 d’agostu, nel que s’afayaron 6.278 persones. Arriendes d’ello, hebo cuatro díes nos que se superaron les 4.000 visites: el domingu 6, el martes 8 y los sábados 12 y 19 d’agostu.

L’estand d’esti añu tuvo dedicáu a la historia de la industrialización en Xixón, tema escoyíu con motivu del 25 aniversariu d’Impulsa Empreses. La esposición titulóse "De la Revolución industrial a la Revolución Dixital".