El Motive.co sigue imparable n'Europa

El domingu recibe nel Palaciu de Deportes al WAT Atzgersdorf depués de ganar en Viena por 18-33.

El Motive.co Balonmano La Calzada, que viaxó a Austria con única portera, Lucía Alonso, depués de la baxa de Raquel Álvarez, tampoco tuvo rival na tercer ronda de la EHF European Cup, a la qu'accedió depués d'eliminar al Alì-Best Espresso Mestrino vénetu por un contundente global 74-37. Si nel debut européu les xixoneses superaran al so rival por 19 goles de diferencia (21-40), nesta ocasión la victoria foi por 15.

Ésa ye la renta que l'equipu dirixíu por Cristina Cabeza va tener que defender el domingu, a les 13 hores, nel Palaciu, onde s'espera un gran ambiente. En Viena'l Motive.co dexó una gran imaxe'l sábadu, con un altu ritmu de xuegu que sorprendió a les llocales, rescamplando l'anotación de Paula Valdivia, con 12 tantos.

Na semeya, Faria trata d'atacar portería énte la defensa de la llocal Barany. Semeya propiedá del Club Balonmano La Calzada.