El Conceyu da’l pasu de mercar los terrenos de Naval Xixón pa rexenerar la zona oeste

L’alcaldesa Carmen Moriyón y el presidente de l’Autoridá Portuaria, Lauredano Lourido, algamaron un alcuerdu pa que’l Conceyu merque los terrenos de Naval Xixón cola intención de rexenerar la zona oeste de la villa. El primer pasu va ser una tasación de los mesmos, que s'espera tener p'avientu, pa depués negociar la forma de pagu.

“La rexeneración de la zona oeste pasa pelos terrenos de Naval Xixón”, aseguró ayeri la primer edil na anuncia del alcuerdu pa que’l Conceyu se faiga con ellos “nel mayor curtiu plazu y baxo una fórmula flexible que facilite la operación”. Una forma que s’acomode a la capacidá financiera del Ayuntamientu.

Primero va facese una tasación nueva de los terrenos, que se cuenta con tener pa lo último d’esti añu, pa depués entamar con una negociación sobre’l 65 por cientu del total, yá que’l restu ye de Pymar, cola que tamién se ta falando. La intención municipal ye convertir la zona nun polígonu d’empreses venceyaes a la economía azul, esto ye, la ta venceyada cola mar.