Djurdjevic abrió la lata nel 88 pa llevar la victoria

Un gol de Djurdjevic nel minutu 88, tres un pase maxistral de Manu García, dio los trés puntos al Sporting frente a la UD Logroñés (1-0), que debutó n’El Molinón na categoría, nel primer partíu de Lliga. Los de Gallego foron superiores, pero costó-yos xenerar peligru real.

L’equipu xixonés, ensin cares nueves, amosó les mesmes faltes que la temporada pasada, con dificultaes na creación que pudieron costar 2 puntos. La salida de Carlos Cordero ayeri hacia Marbella ayuda a baxar el gastu en plantía, anque entovía ye insuficiente pa que llegue a Mareo Mboula, l’estremu escoyíu p’aportar verticalidá y velocidá pa frayar defenses y servir balones a Djurdjevic, qu’ayeri acertó na que tuvo.

El domingu a les 18.15 hores el Sporting va enfrentase en Cartagonova a otru recién ascendíu, el Cartagena. Previsiblemente Gallego contará coles mesmes armes pa tratar de derrotar a un rival que vien d’empatar ensin goles col Uviéu nel Tartiere nuevu.

Na imaxe, Uros Djurdjevic.