Diez empreses opten al concursu públicu pa la redacción del proyectu d'ampliación y reforma del Hospital de Cabueñes

Los trabayos previstos inclúin la construcción d'un nuevu edificiu de 15.000 m2.

Diez empreses presentáronse al concursu públicu convocáu pola Conseyería de Sanidá pa la redacción del proyectu d'ampliación y reforma del Hospital del Hospital Universitariu de Cabueñes.

Esta parte del procesu inclúi la redacción definitiva del estudiu d'execución y la dirección facultativa de les obres de la primer fase, que se correspuende cola ampliación del complexu sanitariu.

Esti proyectu d'ampliación tendrá de tar rematáu en 2017, ya que ye necesariu pa contratar darréu les obres, que van empecipiase cola construcción d'un edificiu de más de 15.000 m2 como pasu previu a la reforma.

L'ampliación del Hospital de Cabueñes va ser una de les intervenciones más importantes que va encarar el Gobiernu autonómicu nes infraestructures sanitaries de cara al próximu añu.