Día Internacional de la Llingua Materna

Esti martes 21 de febreru celébrase'l Día Internacional de la Llingua Materna.

Dende la Conseyería d'Educación y Cultura afalen a la comunidá educativa asturiana a celebrar esti día cola llectura nos recreos del día 21 de febreru d'un manifiestu. Señalen que la llingua materna, como cualquier llingua, recueye toles posibilidaes comunicatives, estétiques y creatives. Ye un preséu más nel viaxe a la competencia llingüística.

Esta iniciativa enmárcase nel Día Internacional de la Llingua Materna, que la UNESCO celebra cada 21 de febreru pa recordar la importancia de protexer y favorecer el multillingüismu, col lema Educación de calidá, llingües d'enseñanza y resultaos d'aprendizaxe. La intención ye dexar patente la importancia de tolos idiomes, y n'especial de les llingües maternes, pa consiguir una educación de calidá.