Derrota del Sporting B

L'Olot consiguió un premiu escesivu na so visita a Mareo pa enfrentase al Sporting B na eliminatoria de campeones, la que da l'ascensu direutu al ganador.

El conxuntu xixonés perdió por 0-1 con gol d'Uri Santos nel minutu 64 tres un error de Juan Rodríguez, que dexó'l balón francu al delanteru catalán.

Los de José Alberto López López firmaron una bona primer parte, pero ensin aciertu cola portería contraria. L'Olot, pela so parte, fixo'l so partíu, bien asitiáu atrás y esperando la so ocasión, que llegó na segunda metá nel momentu de más dominiu visitante.

Tres el tantu, el Sporting B intentó igualar el partíu, pero nun foi quien a superar a la seria defensa catalana. El domingu, a les 18 hores, los xixones han de dar la vuelta al marcador n'Olot si nun quieren tomar la vía llarga hacia al ascensu.

El restu d'equipos asturianos nos play-offs tamién perdieron los sos partíos.

Pela so parte, el Sporting zarró la so temporada en 1ª con un empate a 2 frente al Betis n'El Molinón. Un  partíu col Sporting yá descendíu y onde lo más destacao fueron les protestes de los seguidores sportinguistes contra la directiva del equipu.