Cien persones, aforu del Teatru Xovellanos na normalidá nueva

El teatru reabre les sos puertes con una programación compuesta de manera mayoritaria por compañíes y artistes del país.

Teatro del Norte, esti vienres, cola representación de 'Retablo de la avaricia, la lujuria y la muerte', va inaugurar la normalidá nueva del Teatru Xovellanos, con actuaciones nes que l'aforu de la instalación municipal va reducise al 10 por cientu pa caltener la midida de seguranza interpersonal. Asina, van ocupase namái 100 butaques en cada eventu.

Pa sofitar a los artistes asturianos, la mayor parte de les compañíes de la programación pa estos meses de branu van ser del país. Con esta mesma intención, tamién s'entama un ciclu de conciertos con presencia d'un grupu reducíu d'espectadores na caxa escénica del teatru baxo'l título de 'Encaja2', que va abrir esti miércoles el pinchadiscos Oscar Mulero, madrilanu afincáu en Madrid.

Estes actuaciones van ser grabaes pa ser difundíes per YouTube per tol mundu. Ente los grupos programaos destaca la presencia de L-R el 29 de setiembre, con entrada a 5 euros.