Carlos Castro y Carmona renueven col Sporting

El delanteru firma per cuatro temporaes más, mentes que l'interior failo per dos.

La confianza de Miguel Torrecilla y Paco Herrera en Carlos Castro provocó un cambiu nunes negociaciones que paecíen que nun diben a llegar a bon puertu. El d'Uxo, que finaba contratu al final d'esta temporada, amplió'l mesmu per cuatro año más, polo que va ser roxiblancu hasta'l 2022.

La renovación de Castro anuncióse al empar que la de Carmona, alcuerdu que yá se conocía. El balear, que tenía firmao hasta'l 2019, amplía'l so contratu per segunda vegada pol Sporting, onde va competir hasta'l 2021.