Campeonatu d'España de Triatlón por Clubes

Ente'l 24 y 25 de setiembre los clubes de triatlón van disputar en Xixón el Campeonatu d'España. Tamíen va disputase´l Triatlón de la Muyer y pruebes de calter popular.

La playa de Pando va ser l'escenariu principal de la disputa del Campeonatu d'España de Triatlón por Clubes en primer y segunda división y en promoción. Tou ello dientro de la quinta etapa del Gran Premiu d'España Cofidis de Triatlón. Hai prevista una participación de 1.350 triatletes de 104 clubes, y un variáu programa d'acciones solidaries y actividaes paraleles mientres les dos xornaes de competición.

La competición tendrá unes distancies de 750m. nadando, 20km. de ciclismu y 5km. corriendo. Los participantes van nadar nes agues de la playa de Pando par dempues garrar la bicicleta y recorrer 20km. a lo llargo d'un circuitu en direición a La Calzada nel que darán 3 vueltes. Pa finar van correr a píe  5km. na zona de la playa  de Pando onde tará la meta.

De la mesma, tamién se van llevar a cabu pruebes de calter popular y tamién el Triatlón de la Muyer, entamáu pol área de Mujer y Triatlón del Consejo Superior de Deportes. El Triatlón popular va cuntar con delles distancies (supersprint, sprint y relevos), toes elles concebíes pa fomentar ya impulsar el triatlón en persones de diverses edaes y niveles que busquen averase a esta disciplina deportiva.

Semeya: Campeonatu del Mundu Duatlón - Avilés 2016