Campaña de concienciación y educación ambiental nel Náutico esti fin de selmana

|
Campaña de concienciación y educación ambiental nel Náutico esti fin de selmana

Entamada por EMULSA, 'Xixón, mares y playes llimpios de basura" pretende educar na responsabilidá medioambiental ciudadana.

La Empresa Municipal de Servicios de Medioambiente Urbanu de Xixón (EMULSA Medioambiente) va desenvolver ésti fin de selmana nos Xardinos d'El Naútico l'acción de marketing de calle “Xixón, Mares y playes llimpios de basura”, enmarcada na Campaña de Concienciación Medioambiental Ciudadana, para llamar l'atención de los pasiantes sobre la problemática de la basoria nes sableres y la so repercusión medioambiental.

L'acción va llevase a cabu'l 2 y 3 de setiembre, y básase en dos elementos. Un va ser la instalación d'una esposición de reciclaxe artísticu ralizáu con basures que s'atopen davezu en sableres y océanos titulada 'Inmigración pa la supervivencia'. Esta va tar integrada por 8 escultures, de pexes de distintos tamaños, realizaos con materiales reciclaos (plásticu y metal) dispuestos a manera de bancu de pexes formando una obra única d'unos 20 metros de llargor por 3 metros d'anchu.

L'otru elementu nómase 'Piensa en llimpiu' Na redolada de la esposición dos personaxes van portar, a manera de vestimienta, los tipos de basures habituales abandonaos polos usuarios tres una xornada de playa en Xixón y van interactuar colos viandantes pa sensibilizar y concenciar sobro'l dañu que se produz al tirar basura na paya.  Esta actuación  va llevase a cabu n'horariu de 12:00 a 13:00 y de 18:00 a 19:00 hores.

Con estes acciones, EMULSA pretende concienciar a la ciudadanía sobre  la conveniencia de curiar y caltener llimpies les zones verdes, parques, playes, locales y restu d'escenarios urbanos y tresmitir la problemática derivada de les actuaciones rellacionaes col mediu ambiente.

Contador Estadistiques