Baxó la ocupación hotelera, anque menos que n'otros puntos del norte peninsular

El porcentaxe n'agostu foi del 65,1 por cientu.

Xixón consiguió aguantar meyor esti branu turísticu marcáu pola pandemia de COVID-19 que les sos vecines. Nel octavu mes del añu, según los datos facilitaos pol Instituto Nacional de Estadística (INE), la tasa d'ocupación hotelera baxó un 24,4 por cientu, mentes que la media na nomada 'España Verde' foi del 32,7 por cientu.

También se rexistra un aumentu los díes d'estancia media, que queda en 2,6 nueches, un 1,8 por cientu más que nel 2019. El restu de ciudaes acumula resultaos negativos nesta estaya y namái Santiago de Compostela rexistra un incrementu, un 0,1 por cientu.

65 establecimientos hoteleros tuvieron abiertos en Xixón n'agostu, polos 71 d'hai un añu, y la tarifa media diaria asitióse en 95,44 euros, lo que significa un aumentu del preciu d'un 1 por cientu.

Na semeya, la Escalerona esti branu con controles d'accesu a San Llorienzo pola pandemia de COVID-19.