Arranquen les obres pa instalar la plataforma única y adoquinos nel Tránsitu de les Ballenes

Tienen un plazu d'execución de cuatro meses.

Ayeri entamaron les obres nel Tránsitu de les Ballenes, en Cimavilla, pa convertila nuna plataforma única, esto ye, igualar la calzada coles aceres. L'oxetivu d'esta actuación ye ameyorar l'accesibilidá tanto de peatones como de vehículos, calteniendo la morfoloxía urbana del conxuntu históricu del barriu al traviés de recuperar los adoquinos na zona, que serán menos ruidosos que los anteriores.

Los trabayos, que principiaron con delles selmanes de retrasu sobre la fecha prevista pola proteición que tien esta zona histórica de la villa y la necesidá de contar cola aprobación de la Conseyería de Cultura, Política Llingüística y Turismu, van allargase hasta mayu. Nesti periodu de tiempu la circulación na cai Honesto Batalón permanecerá en sentíu este y habilitóse'l doble sentíu en Claudio Alvargonzález pa llabores de carga y descarga y vados.