Amosando torna en setiembre colos conciertos de Felpeyu y Fruela 757

El Toma 3 va acoyer una cita nueva del ciclu de conciertos Amosando, col que Musicasturiana presenta les novedaes discográfiques de la música asturiana y promociónales en tol mundu al traviés d’Internet. Los convidaos nesta ocasión son Felpeyu y el compositor de música electrónica Fruela 757.

La banda de folk va tocar temes del so discu últimu, 'Cerquina', mentes que'l DJ que trabaya estilos como la reggaetoná, el hipfolk y el drumambás va amosar pieces del sos sestu álbum, 'Llariegu'. La cita va ser el 6 de setiembre a les 17 hores y Javier Lueje y Goxe Producciones van participar na realización de los conciertos y los alderiques colos artistes.

Les persones que quieran acudir como públicu han d'apuntase nesti enllaz enantes del 2 de setiembre pa participar nel sortéu d'entraes, al ser éstes llendaes pol aforu reducíu del llocal. Ésta va ser la segunda grabación de la temporada d'Amosando tres la de Silvia Quesada y Cerezal en xunu.