Recupérase'l xiru a la izquierda en Los Campos

L'anterior equipu de gobiernu prohibiéralu nel 2020 pa favorecer el tráficu nel crucie.

Foi en xunu d'esi añu cuando los conductores que circulaben pela carretera la Costa teníen que buscar una alternativa pa tomar direición hacia El Coto y Ciares en llugar de per Ramón y Cajal. Una maniobra que siguíen faciendo dalgunos vehículos magar xugase una multa.

Esta selmana, cuasi cuatro años depués, la conceyalía de Tráficu, Movilidá y Tresporte Públicu, dirixida por Pelayo Barcia, restituyía'l xiru, como s'aprecia na flecha pintada na carretera una vegada retirada la señal de prohibición. D'esta forma l'edil de Foro sigue valtando decisiones tomaes por Aurelio Martín, el so predecesor, representante de Asturies pela Izquierda (IX-IAS) nel gobiernu municipal.