Axudicada la redaición del proyeutu qu'elimina'l semáforu pa incorporase a la vieya dende la ronda

Van construyise dos rotondes p'ameyorar la seguranza nel enllaz al altor de Roces.

La Conseyería de Fomentu, Cooperación Llocal y Prevención de Quemes axudicó por 57.553 euros los trabayos de redaición del proyeutu que va eliminar el semáforu pa incorporase de la ronda (A-8) a la carretera vieya a Uviéu (AS-II). La empresa Antea Iberolatam foi la escoyida y va contar con un plazu de cinco meses pa la so ellaboración.

Esta aición forma parte de los alcuerdos ente'l Gobiernu y el Ministeriu de Fomentu nel 2019 pa facer los estudios necesarios que permitan definir y construyir les actuaciones pertinentes p'ameyorar la coneutividá ente la rede de carreteres del Estáu y la nacional. Dientro d'esti protocolu tamién ta la redaición del proyeutu del enllaz de Robleo, en Llanera, de les dos víes per parte del Ministeriu de Tresportes y Movilidá Sostenible, actualmente en fase d'evaluación ambiental.

L'axudicación a Antea Iberolatam inclúi la redaición del proyeutu de trazáu, qu'ha ser sometíu al trámite d'información pública, y la del proyeuto constructivu, al que se-y deberán incorporar los cambios adoptaos na tramitación previa. L'actuación en Roces va llevar a construyir dos rotones que sustituyan el crucie con semáforos actual y l'agora esistente, tamién con regulación semafórica.

Na imaxe, la rotonda de la izquierda que sustitúi a l'actual y la de la derecha, que fai lo propio col crucie.