El Gobiernu autoriza la firma del protocolu col Conceyu y el Sporting pa fortalecer la candidatura d'El Molinón al Mundial

El Molinón sigue na llucha por ser sede del Mundial 2030. Magar salir de toles quinieles énte les apuestes fuertes feches n’otres ciudaes y el retrocesu vivíu polos cambios nel proyeutu, el centenariu campu xixonés ve reforciada la so candidatur cola declaración d’intenciones roblada de manera conxunta por Gobiernu, Conceyu y Sporting.

Ésta va facese proximamente depués de que’l Conseyu de Gobiernu, celebráu esta mañana en Cuaña, l’autorizase. Yera’l trámite pendiente pa facer realidá esti documentu nel les trés partes se comprometen a collaborar, de manera coordinada, pa ser una de les 10 o 11 sedes coles que va contar la Real Federación Española de Fútbol (RFEF), qu’esta selmana precisamente visitó Xixón, col so presidente al frente, pa conocer l’estáu del proyeutu.

La dulda sigue siendo la financiación de los 150 millones d’euros qu’han invertise na reforma del estadiu p’adaptase a la normativa de la FIFA p’acoyer un eventu d’esti nivel. Dende’l club tresmítese tranquilidá y confianza, y señalen a marzu como primer fecha clave pa saber les opciones reales d’El Molinón, yá que se conocerá’l númberu definitivu de sedes.

Na semeya, visita celebrada'l miércoles de los miembros de la RFEF y del Sporting el miércoles a la Xunta Xeneral, onde los recibió la vicepresidenta Gimena Llamedo y el presidente del Parllamentu, Juan Cofiño.