El Plenu aprueba aumentar tamién les tarifes de los cementerios

El proyeutu de modificación de les ordenances fiscales salió alantre colos votos del bipartitu y el conceyal non adscritu Óliver Suárez Rubio.

El Plenu estraordinariu del martes p'afitar los impuestos del 2024 aprobó'l documentu final que conxelaba tolos tributos a esceición de les de la basura, que contó colo apoyu de los grupos municipales menos el de VOX. El votu del edil qu'abandonó la formación d'estrema derecha, presidente de Divertia, resultó fundamental pa que Foro y PP ganaran la votación proyeutu del "proyeutu de modificación de les ordenances reguladores de tributos y precios públicos municipales, exerciciu 2024" al contar con mayoría absoluta, 14 'sí'.

Les tases van aumentar un 30 por cientu, 1,75 euros más al mes por llar y de 4,3 a empreses al bimestre. Esta medra supón pasar de 69 a 90 euros añales nel casu de los ciudadanos y de 79 a 105 nel d'industries.

El cuartu puntu del orde del día yera marcar les tarifes del serviciu de la sociedá Cementerios Municipales de Gijón/Xixón, S.A. (CEGISA) pal añu qu'entra, que taben conxelaes dende'l 2015. El Plenu nesta ocasión aprobó un aumentu del 5 por cientu col únicu votu en contra de VOX.

Na imaxe, momentu de la votación, con Suárez Rubio, arriba del too a la izquierda, vota conxuntamente colo ediles de Foro y PP, y la so ex compañera Sara Concepción Álvarez Rouco, delantre.