El topónimu Xixón enllena les redes sociales

Una gran cantidá d'usuarios reivindica l'usu de la forma asturiana frente al intentu d'atapala de la estrema derecha dende'l gobiernu municipal.

“A partir de ahora, ‘Gijón’”, afirmaba'l miércoles, Sara Concepción Álvarez Rouco, conceyala de VOX de Festexos, nuna entrevista nel diariu 'El Comercio' recoyida por Asturies.com con una gran repercusión. Una declaración que tuvo una amplia respuesta en redes sociales, entamando a emplegase la etiqueta #Xixón y a compartir imáxenes nes que se vía'l topónimu, presentes tamién como semeyes de perfil o estáu de numberosos usarios d'aplicaciones de mensaxería instantánea.

Dende'l 2006 el topónimu oficial de Xixón ye la forma billingüe 'Gijón/Xixón', d'usu obligáu poles alministraciones. Un imperativu llegal que non siempre se cumple y qu'agora VOX quier saltase de manera premeditada, provocando la reaición de la ciudadanía.

En #Xixón, cola toponimia oficial, nin un pasu atrás. @CarmenMoriyon tien de garantizar el cumplimientu de la llexislación dende’l día 1 del mandatu. pic.twitter.com/6fy3BniwL9

— Inaciu Galán (@inaciugalan) June 22, 2023

A ver si #Xixón ye tendencia. pic.twitter.com/e7uyIFtFso

— Guieldu (@guieldu) June 22, 2023

Yo soi de #Xixón, vivo en #Xixón, trabayo n’ #Uviéu, y uso l’asturianu a diariu. Hailos que quieren que desapaeza una llingua y una cultura, ayalgues inmateriales d’Asturies pic.twitter.com/6UOdk4fLeZ

— Cilúrnigu #oficialidá (@deivizxixon) June 22, 2023