El Plan de Movilidá va dir al Plenu d'abril con diferencies nel PSOE

La Comisión de Seguridá, Movilidá y Mediu Ambiente aprobólu cola oposición de la derecha.

El Plan de Movilidá Sostenible va votase nel Plenu del 20 d'abril con diferencies nel PSOE. L'alcaldesa Ana González Rodríguez defende esti documentu non normativu desendolcáu a partir de la ordenanza nesti momentu anulada pol Tribunal Superior de Xusticia d'Asturies (TSXA) y recurrida al Tribunal Suprermu, mentes que la Executiva llocal reclama a la primer edil qu'ésta nun se tramite.

El primer trámite, l'aprobación na comisión celebrada'l martes, salió alantre gracies a los votos del PSOE, Podemos-EQUO y Xixón pela Izquierda (IX-IAS), que lidera esta cuestión al traviés del so únicu conceyal, Aurelio Martín. Queda por ver que pasará nel Plenu daes eses diferencies nel grupu socialista.

Na semeya, tráficu güei na cai Ramón y Cajal, na que'l Plan de Movilidá Sostenible prevé una actuación qu'inclúi la construcción d'un carril-bici.