La Comisión de Siguimientu del Plan de Normalización celebraráse en payares

La intención del Conceyu ye que pase a convocase cada 6 meses y non cada 3.

Prevista pa setiembre, la Comisión de Siguimientu del Plan de Normalización Llingüística celebraráse en payares. Asina lo confirmó'l conceyal de Cultura, Manuel Ángel Vallina, a una entruga na Comisión de de Servicios y Derechos Sociales de Podemos-EQUO, grupu esmolecíu por esti retrasu y "pola ausencia del usu del asturianu en distintos ámbitos a lo llargo d’esti mandatu”.

L'edil tamién avanzó que na mesma va proponer que se pase la so periodicidá de seis meses en llugar de cada trés como ta agora afitao. Ésta ta integrada nel Conseyu Asesor de la Llingua y creóse en xunu del 2021.

Otres cuestiones

Xuan Chaves, conceyal de Podemos-EQUO, tamién treslladó la cuestión de la traducción de les ordenances aprobaes nesti mandatu. Valina apuntó que tán tornaes la del Reglamentu del Conseyu de Movilidá Sostenible y la del Reglamentu Orgánicu d’Organización, Funcionamientu y Réxime Xurídicu, pero que les ocho van contar cola so versión n’asturianu.

Tamién que “poco a poco” tán incorporándose los conteníos en llingua asturiana na web municipal, priorizando “lo que tien más visibilidá”, esplicó. Por últimu, col tema de la señalización, l’edil señaló que ye responsabilidá de la Conceyalía de Movilidá y que va revisase too “pa ver qué hai que cambiar”.

Na semeya, Vallina y Chaves nun Plenu, cola vocera de Podemos-EQUO, Laura Tuera, delantre.