Rif (de piojos y gas mostaza)

Los nuesos protagonistes son trés soldaos del exércitu español que se van alcontrar nes tierres del Rif depués del Desastre d'Annual asocedíu'l 22 de xunetu del 1921. Son trés soldaos que representen a los miles de mozos españoles que foron arrancaos de los sos llares y a los miles de rifeños que se vieron obligaos a lluchar nel llau español pa amenorgar la so fame y la miseria.

Al traviés de les sos histories, de los sos rellatos, de les sos vivencies, que percorrerán llugares tristemente míticos como Igueriben, Zeluán o Monte Arruit, y que se van proyeutar hasta'l prietu añu 1936, desfilarán delantre de nós personaxes clave d'aquelles guerres: diputaos, altos comisarios, reis, cantineres, prostitutes, cayíes, artistes de cine, periodistes, militares y civiles. Con ellos vamos visitar, como si d'una velea grotesca se tratara, el café cantante y el blocao, el pasodoble y el almuédano, el aduar y la marcha militar, el prostíbulu y el barrancu, el casinu, l'aguada, la engarrada, los negocios sucios, la valentía de dalgunos, la maldá de munchos, el mieu de la mayoría, la bayoneta, la gumia, la carabina, la sede insoportable, el cuerpu calcináu, la cabeza cortada... Les coraes, en fin, d'una guerra innecesaria, inxusta y cruel, que causó miles de muertes d'españoles y rifeños, utilización de gases tóxicos incluyida, y con unes consecuencias cruciales nel devenir del sieglu XX.

Autores: Mariano LLorente y Laila Ripoll.

Direición: Laila Ripoll.

Intérpretes: Arantxa Aranguren, Néstor Ballesteros, Juanjo Cucalón, Ibnou Goush, Carlos Jiménez-Alfar, Mariano Llorente, Mateo Rubistein, Sara Sánchez y Jorge Varandela.

Producción: Centro Dramático Nacional, Micomicón y A Priori.
Hora: 20.30h