El proyeutu ‘Foment-On’ resultó ganador del concursu d’idees pa la remodelación de la zona

El xuráu del concurso d’idees pa la remodelación y ordenación del ámbitu del paséu marítimud’El Muelle y El Fomento escoyó a ‘Foment-On’ como’l ganador ente les 13 propuestes presentaes. ‘Gijón simétrico’, el más votáu polos ciudadanos, quedó segundu.

El proyeutu qu’escoyó una carta de Gaspar Melchor de Xovellanos del 1782 que fala de Xixón pa que se convierta “nuna villa saludable, cómoda y guapa” como presentación foi’l que convenció a los espertos na xunta pa decidir al ganador de los 20.000 euros de premiu, con autoría que se va dar a conocer na próxima xunta de gobiernu llocal, una vegada se ratifique la decisión. Esta propuesta, que supón una inversión de 7,6 millones, pretende dar vida a la zona, sobre manera na sablera d’El Natahoyo, cola plantación de 400 árboles y convertir el llugar n’accesible dafechu, dando prioridá a les persones y les bicicletes.

‘Gijón simétrico’, opción preferidas pol millar de ciudadanos que votó na consulta abierta, llevó’l primér accésit. Na primer ronda quedó empatada a 8 cola ganadora, pero nel desempate sumó namái 5 polos 12 de ‘Foment-On’, con 1 votu en blancu.

Foi merecedora del segundu áccesit ‘Al mar prestai Xixón’ (sic). Nesti enllaz pue consultar los 13 proyeutos presentaos.